حـلـب

متصفحك لا يدعم الفلاش

احصل على البلاير

الأكثر قراءة هذا الأسبوع

محليات : انسحاب...


المرشح عبد الكريم السيد يعلن انسحابه من الانتخابات

احتجاجاً على أحداث المدينة الجامعية بحلب



مدينتنا - خاص

أعلن المرشح عبد الكريم السيد، انسحابه من انتخابات مجلس الشعب المقرر إجرائها في السابع من الشهر الجاري في سورية، وبرر السيد انسحابه (قبل ثلاثة أيام فقط من موعد الانتخابات) أنه جاء عقب الأحداث التي شهدتها المدينة الجامعية في حلب أمس.

وفي تصريح لـ"شبكة مدينتنا الإخبارية" قال السيد: "شعرت بالإحباط بعد أن كنت متفائلاً، فنحن لا نسير نحو الحل، الطريقة الحالية في المعالجة لا تؤدي إلى حلول، ونحن لم نتقدم أي خطوة بهذا الاتجاه".

وعن رؤيته للحل في سورية قال السيد: "يجب أن نتخلى عن الحل الأمني، ونبدأ بعملية سياسية، ونحن بحاجة لحل سياسي حقيقي، أما ما يحصل الآن فهو: أمن، وأمن، وأمن فقط..."

وأضاف السيد: "للنظر إلى لبنان، بعد اقتتال دام 15 عاماً، لجؤوا إلى نظام برلماني وإلى شراكة. نعم هناك مؤامرة على سورية، وجمعينا ضدها، ولكن علينا أن نقف ضد المؤامرة ونحصن أنفسنا ضدها، وذلك عبر المشاركة في الداخل".

وعن موقفه السياسي بعد الانسحاب أشار النائب في مجلس الشعب (الدورة الحالية المنتهية)، إلى أنه لا يصطف مع هذا الفريق أو ذاك الفريق، وتابع: "الحياد لم يعد موجوداً، أنا يهمني سورية، ولكن الجميع يريد أن يفرض عليك قناعاته".

تجدر الإشارة إلى أن "شبكة مدينتنا الإخبارية" ستنشر لاحقاً حواراً مفصلاً من النائب عبد الكريم السيد، يتحدث فيه عن موقفه الأخير.

يشار أيضاً إلى أن عبد الكريم السيد من مواليد حلب 1960، وهو رجل أعمال يعمل في قطاع الخدمات، وهو نائب في مجلس الشعب خلال الدورة الحالية التي شارفت على الانتهاء.



طباعة المقالة

الجمعة 04 أيار 2012 11:35:00 صباحاً


 

مركز مهارات الأوائل إيبرو مول اسكندرون ACACIA Stylish معهد دار المهندس الأول للبصريات خيال سولا

reem

هل يعلم المرشح المحترم التفاصيل قبل ابداء رأيه عن الحل الامني

سيدي المرشح لماذا لا تعترف ان قلبك اصابه خشية وخوف فانت تعرف بالاسلحة التي ضبطت في الجامعة وتحديدا في السكن الجامعي وان كنت لا تعلم فهذه مصيبة كبرى فأنت تطلق احكاما دون دراية وتبين فهل يمكن ان تحاورنا حول رأيك وقناعاتك كيف نستطيع التعامل مع وجود اسلحة دون حل امني اخي المرشح اتمنى ان تنزل من برجك العالي وتذهب لتقابل الناس المهددةمن قبل المسلحين وماذا فعلوا بهم والتي هجرت من حمص وحماة وحتى من ارياف دمشق او من ارياف حلب واتمنى ايضا بعدها ان تطرح علينا حلا

منى سباعي

كفى كفى

يا مرشح كفى ضحك على اللحى انت خايف من الخساره ووجدت شماعه تعلق عليها انسحابك0 ب س الاغرب من ذلك انك ستخسر الحصانه الان فكيف ستمرر شحناتك المليئه بالممنوعات التي تخرب شبابنا وتزيد ثروتك التي تتستر بها على اساس انك اقتصادي0روح ضب سمعتك وتعفيسك وتامرك على بلدك مع 14 اذار بلبنان وقناة اورينت بعدين مثل حزنك على امن سوريه0سوريه غصبا عنك وعن كل متامر باقيه ابد الدهر قلعة صمود وتصدي حتى نصلي في القدس ماتمين بالدكتور سعيد رمضان البوطي اطال الله عمره0اللهم اهلك الظالمين بالظالمين واخرجنا من بينهم سالمين0

عبدالكريم السيد


بغض النظر عن معرفتي بالتفاصيل أليس هناك من مسؤول عن الأمن والحدود كيف دخلت كل هذه الاسلحة والمتفجرات الى البلد واصبح لدينا فرق للموت من تنظيم القاعده وخلافه وبهذا الحجم

محمد العلي

مو بس هو كتيرين يلي انسحبوا

كتيرين يلي انسحبوا ومنهم محمد جابر البساتنة وعمر عاشور وغيرهم بس مافي داعي للكذب تحت حجج واهية

ياسر

محب لفاعلين الخير

يا أخوتي ويا أخواتي قسمآ بالله ما شفت ولا سمعت بهذا الوقت حدا بيخاف على وطنه مثل عبد الكريم السيد يا سادة اللي مابيعرفه يسائل عنو والله الخير اللي بيعملوا للناس الله وحده عارفه

غياث مطر

h

انا من الطلاب الساكنين بالمدينة الجامعية وبأكد انو مافي حدا مسلح ولافي اسلحة بالمدينة الجامعية حاج تضحكو ع حالكن الكل بيعرف انو المدينة تسكرت بسب المظاهرات وليش الاسلحة لحتى تجي ع مدينة الجامعية مو على اي مكان تاني فهموني

وسيم

فعلا ارضاء الناس غاية لا تدرك ....

فعلا ارضاء الناس غاية لا تدرك ...
لك اذا انسحب بتقولو مالو خبزة ...
واذا ما انسحب بتقولو رح يطلعلو منها بلاوي ...
واذا ما رشح حالو ابدا بتقولو لانو عرفان حالو ما رح ينجح بعد الاصلاحاااااااااااااااااات اللي صارت ...
ولك شو يعمل مشان ترتاحوووووو ؟؟؟؟؟؟؟
وبعدا هو مالو علاقة برفع التسعيرة .. بس اذا المازوت غلي .. بحط من جيبو حتى تفرحوا يعني ...؟؟؟؟؟
وبعدها هو اول من طرح الغاء قانون الطوارئ في البرلمان .. بس لما ما حدا برد عليه شو بدو يعمل ..؟؟؟
ولما بيقلن الوزير عيفو ارائكم بجيبكون ونحن منعمل اللي بدنا ياه ..... شو بيطلع بايدو يعمل ؟؟؟؟؟
واللي ما بيعرف اي خط الو رجاء ما يحكي لانو الدائري مو الو وما في الو ولا خط بعدي من الجامعة ...
وبعدها هو اللي عم يمص دم الفقراء يا استاذ ...؟؟؟؟؟
هههه والله شي بضحك ....
ولك حاج مسخرة وعلاك فاضي .. ولا بدنا نحكي وبس .....
اما انت يا استاذ عبد ... الله يوفقك ويحميــــــــــــــــــــــك .... من كل من بردلك اي سوء يا رب وانشاء الله بيكون خير بحقك ...
وشكرا ...

MFH

عند فشل السيطرة على المظاهرات: أسلحة واعترافات على قناة الدنيا

كلما ****** بتفشل بالسيطرة على مكان بتقول أنو في سلاح عبر نفق من فنزويلا متل درعا هديك السنة أو لبنان (باباعمرو) أو من المريخ، وهلأ سلاح في المدينة الجامعية؟ المدينة الجامعية الأمن كل نهار بقمع مظاهراتها من هديك السنة، ومتواجد وعبفتش أول بأول فشلون طلع السلاح ****

أحمد العموري

أسلحة و سلفية و إخونجية و صهيونية و و و مؤامرة

حاج تضحكوا على حالكم ، الأمن ليل نهار بالمدينة الجامعية من السنة الماضية ، من وين بدا تفوت الأسلحة ... ****** السيد عبد الكريم السيد يمكن صحي ضميرو و حسب خط الرجعة ... بحييك أستاذ عبد الكريم ، **********

الى منى سباعي

الى منى سباعي

يعني لو مانك مشتركة او باعتة شي تهريبة بشحناتو ماحكيتي هيك عن الرجال ولو مو خلصانة علاقتك معو ومقلعك من عندو مثلا ما حكيتي هيك ولو انت وغيرك يصحلك للي صرلو للسيد ما كنتي قصرتي ماتساويلي حالك خايفة ع البلد و على امن البلد نحنا من كذبنا هربانين بتجي لاانت بتساوي وطنيات ع ط**** نا

حسن حاج


اللي بيسمع كلام السيد عبد الكريم بيقول شو هالإنسانية التي يملكها وين كانت إنسانيته لما إستغل منصبه في البرلمان ليطرد مئات السرافيس العاملة في النقل الداخلي بحلب ويستفرد بالخطوط التي كانت تعمل عليها السرافيس وكانت مئات العائلات تعيش منها حتى ان الأمن الذي يتهمه بإخماد المظاهرات المناوءة للدولة هم نفسهم الأمن الذين فرغوا خطوط النقل الداخلي العاملة عليها السرافيس لباصاته عنوة وأخيرا اريد أن اسأله كم عدد السائقين العاملين عنده على باصاته مسجلين بمؤسسة التأمينات الإجتماعية

الاستاذ عبد الكريم السيد لدي معلومات بوج

معجب و ليس معجبة

انا متأكد انو في مفاعلات نووية بقلب غرف الطلاب بالمدينة الجامعية و مستعد اقدم اسبوت . في طالب كمان بالوحدة التامنة من مدينة حماة امو باعتلو أطرميز جبنة بس يا حزركون شوفي مخبا في للأطرميز تخيلو كان فيو يورانيوم انا شفت بعيني الي رح ياكلا الدود حتى طعمة الجنة صايرة كتير بتصنن ما علينا فلا حدا يقول مافي اسلحة بالمدينة الجامعية انا بعرفن لطلاب الجامعة كلن عراعير و سلفيين و قاعديين و ارهابيين ومجوسيين و يهود و بوذيين و حميرين و تغلبيين و بكريين و مين سمير و حريتانيين و لاحول و لاقوة الا بالله عالعموم منشكر جيشنا الباسل لي حررلنا المدينة الجامعية من هدول